Latihan Bahasa Sunda Kelas X

 

1.     Dina hiji acara sakola, panyatur langsung medar eusi biantara tanpa méré salam jeung panghormat ka hadirin. Dumasar kana struktur biantara, naon kakuranganana?

a.       Teu aya eusi

b.      Teu aya panutup

c.       Teu aya bubuka

d.      Teu aya téma

e.       Teu aya audién

2.     Andi rék biantara ngeunaan kecerdasan jieunan (Artificial Intelligence) di hareupeun siswa SMK. Naha éta téma kaasup téma anu hadé?

a.       Henteu, sabab hésé dipikaharti

b.      Henteu, sabab lain basa Sunda

c.       Enya, sabab aktual jeung relevan

d.      Henteu, sabab teu aya hubunganana jeung sakola

e.       Henteu, sabab anyar

3.     Perhatikeun kaayaan ieu! Panyatur nyarita kalawan sora leutik nepi ka pamiarsa di tukang teu kadéngé.       Padika biantara anu henteu dilarapkeun nyaéta ....

a.       Aktual témana

b.      Alus basana

c.       Tatag nyaritana

d.      Munel eusina

e.       Ngandung wirahma

4.     Saurang siswa biantara ngeunaan pentingna disiplin sakola. Eusina panjang, tapi teu aya mangpaat anu bisa dicokot ku pamiarsa. Dumasar kana T-A-M-A-N, bagian mana anu kurang?

a.       Tatag

b.      Aktual

c.       Munel

d.      Alus

e.       Ngandung wirahma

5.     Upama biantara ngeunaan bahaya narkoba ditepikeun ka murid SD maké istilah-istilah ilmiah anu hésé dipikaharti, naon kasalahan panyatur?

a.       Teu gugon kana waktu

b.      Teu saluyu jeung pangaweruh audién

c.       Teu ngagunakeun salam

d.      Teu maké naskah

e.       Teu ngapalkeun

6.       Perhatikeun potongan biantara ieu! "Hayu urang babarengan ngajaga kabersihan lingkungan sakola sangkan diajar leuwih nyaman." Eusi éta kalimah kaasup ....

a.       Laporan

b.      Panghormat

c.       Ajakan

d.      Salam

e.       Panutup

7.     Dina hiji biantara, panyatur sok ningali naskah tanpa kungsi neuteup pamiarsa. Balukarna pamiarsa jadi bosen. Métode naon anu dipaké ku panyatur?

a.       Impromtu

b.      Ékstémporan

c.       Diskusi

d.      Naskah

e.       Memoritér

8.     Métode mana anu paling merenah lamun panyatur kudu nepikeun data anu loba jeung akurat?

a.       Impromtu

b.      Naskah

c.       Memoritér

d.      Ékstémporan tanpa catetan

e.       Ngadongéng

9.     Panyatur geus nyiapkeun matéri kalayan hadé sarta ngan ukur mawa catetan pokok-pokok bahasan. Métode anu digunakeun nyaéta ....

a.       Impromtu

b.      Memoritér

c.       Ékstémporan

d.      Naskah

e.       Dialog

10.  Andi ngapalkeun sakabéh eusi biantara. Nalika poho kana hiji kalimah, manéhna jadi eureun lila. Hal ieu mangrupa kalemahan métode ....

a.       Naskah

b.      Impromtu

c.       Ékstémporan

d.      Memoritér

e.       Diskusi

11.  Biantara anu hadé kudu ngandung babasan, paribasa, atawa sisindiran. Tujuanana nyaéta ....

a.       sangkan leuwih panjang

b.      sangkan leuwih hésé

c.       sangkan leuwih narik jeung éndah

d.      sangkan loba kecap

e.       sangkan gancang réngsé

12.  Upama panyatur nyaritana kagok jeung sering eureun di tengah kalimah, pamiarsa bakal nganggap yén panyatur ....

a.       tatag

b.      kurang persiapan

c.       actual

d.      munel

e.       disiplin

13. Perhatikeun jejer di handap ieu! 1.Pangaruh média sosial. 2. Kaulinan barudak taun 1980-an. 3. Kecerdasan jieunan. 4. Kaamanan digital. Jejer anu paling aktual nyaéta ....

a.       1, 2, jeung 3

b.      2 jeung 4

c.       1, 3, jeung 4

d.      1 jeung 2

e.       2 waé

13.  Dina acara paturay tinueng kelas XII, panyatur nepikeun rasa sedih jeung harepan sangkan siswa suksés. Eusi éta luyu jeung ....

a.       tujuan acara

b.      métode impromptu

c.       laporan kagiatan

d.      hasil panalungtikan

e.       salam panutup

15.  Salah sahiji tanda yén panyatur ngahargaan audién nyaéta ....

a.       nyarita gancang

b.      nyarita lalaunan teuing

c.       méré salam jeung panghormat

d.      langsung ka eusi

e.       teu maké panutup

16.  Dina biantara, lentong sora anu datar ti awal nepi ka ahir bakal nyababkeun ....

a.       pamiarsa leuwih resep

b.      pamiarsa leuwih focus

c.       pamiarsa ngarasa bosen

d.      pamiarsa leuwih ngarti

e.       pamiarsa leuwih semangat

17.  Panyatur datang telat sarta nyarita leuwih lila tibatan waktu anu ditangtukeun. Sikap éta nuduhkeun yén panyatur ....

a.       teu disiplin

b.      tatag

c.       actual

d.      kreatif

e.       komunikatif

18.  Lamun kudu nyarita dadakan dina rapat OSIS tanpa persiapan, métode anu paling mungkin dipaké nyaéta ....

a.       Naskah

b.      Memoritér

c.       Ékstémporan

d.      Impromtu

e.       Dialog

19.  Biantara ngeunaan budaya Sunda ditepikeun ku basa campuran anu loba ngagunakeun basa asing. Tina segi basa, biantara éta ....

a.       geus hade

b.      kurang merenah

c.       leuwih modern

d.      leuwih singget

e.       leuwih lucu

20.  Naon hubungan antara téma "Ngamumulé Basa Sunda" jeung jatidiri bangsa?

a.       Teu aya hubunganana

b.      Basa mangrupa bagian tina budaya bangsa

c.       Basa ngan alat komunikasi

d.      Basa ngan keur sakola

e.       Basa henteu penting

21.  Dina conto biantara Gubernur Jawa Barat, ajakan pikeun ngagunakeun basa Sunda dina kahirupan sapopoé miboga tujuan ....

a.       ngaganti basa Indonesia

b.      ngajaga kalestarian basa Sunda

c.       ngurangan budaya asing

d.      ngajarkeun politik

e.       nyieun aturan anyar

22.  Saurang panyatur ngagunakeun data, fakta, jeung conto nyata pikeun ngadukung pamadeganana. Hal éta bakal ngajadikeun biantara ....

a.       leuwih ngayakinkeun

b.      leuwih pondok

c.       leuwih hésé

d.      leuwih lucu

e.       leuwih santai

23.  Pamiarsa leuwih gampang ngarti kana eusi biantara lamun ....

a.       sora panyatur teu jelas

b.      lentong sora merenah

c.       panyatur nyanghareup kana témbok

d.      panyatur nyarita buru-buru

e.       panyatur teu maké éksprési

24.  Naha panyatur kudu maham matéri anu rék ditepikeun?

a.       Sangkan bisa nyarita kalawan yakin

b.      Sangkan leuwih panjang

c.       Sangkan loba naskah

d.      Sangkan loba salam

e.       Sangkan gancang réngsé

25.  Mana di handap ieu anu leuwih merenah dijadikeun topik biantara pikeun siswa SMK?

a.       Kaayaan karajaan abad ka-10

b.      Pentingna literasi digital

c.       Riwayat perang kuno

d.      Kaulinan tradisional baheula

e.       Dongéng sasatoan

26.   Perhatikeun potongan téks ieu! "Hayu urang ngamumulé basa Sunda ku cara ngagunakeunana dina kahirupan sapopoé. Basa Sunda mangrupa warisan budaya anu kudu dijaga ku urang sadaya." Gagasan utama téks di luhur nyaéta ....

a.       diajar basa asing

b.       ngamumulé basa Sunda

c.       olahraga

d.       téknologi

e.       kaséhatan

27.   Kalimah "Hayu urang ..." nuduhkeun ....

a.       laporan

b.      ajakan

c.       larangan

d.      kritik

e.       panghormat

28.   Perhatikeun potongan téks ieu! "Hayu urang ngamumulé basa Sunda ku cara ngagunakeunana dina kahirupan sapopoé. Basa Sunda mangrupa warisan budaya anu kudu dijaga ku urang sadaya." Téks di luhur leuwih cocog ditepikeun dina acara ....

a.       lomba olahraga

b.      kongrés basa

c.       pasar malam

d.      lomba masak

e.       pertandingan

29.   Kecap "warisan budaya" ngandung harti ....

a.       barang dagangan

b.      peninggalan anu kudu dijaga

c.       kaulinan

d.      hiburan

e.       hadiah

30.  Kalimah parentah aya sababarah rupa, salah sahiji nyaeta kalimah pangajak. Dihandap ieu conto kalimah pangajak nyaeta ….

a.       Mangga urang taruang heula !

b.      Geura ebrehkan ka si mamang !

c.       Pareuman lampu, teh!

d.      Entong sok cicing hareupeun panto !

e.       Mugia urang tiasa patepang deui !