Jejer atawa téma biantara téh kudu aktual,
luyu jeung situasi sarta kondisi nu kiwari keur ramé dipadungdengkeun. Ulah
medar téma nu geus bari atawa jejer nu éta-éta kénéh.
Jieun rangkay tulisan dumasar
kana struktur biantara nu ngawengku bagian bubuka, eusi, jeung panutup. Éta
struk tur téh tuluy kari ngeusian sing taliti sangkan rangkayna weweg. Tong
poho gunakeun éjahan basa Sunda nu bener.
Eusi biantara téh kudu mundel, hartina réa
mangpaat jeung pulunganeunana. Teu padu ukur nyieun atawa nyonto téks biantara
nu geus aya.
Biantara téh kudu matak ngirut, sabab
patali jeung seni har jeung euyeub ku mamanis basa. Bisa dieuyeuban ku si atawa
kalimah pinilih (kata-kata mutiara) nu ditepikeun ku nyarita. Ku kituna, basa
nu digunakeunna gé kudu beung sindiran, babasan jeung paribasa, cutatan
référénsi bacaan, hiji tokoh.
E. NYUSUN TOPIK
ATAWA GAGASAN DINA BIANTARA
Kalintang pentingna milih topik
disaluyukeun jeung kamampuh atawa kompeténsi panyatur, lantaran saupama henteu
ngawasa téma nu rék ditepikeun bakal ngabalukarkeun nyarita jadi henteu lancar
sakumaha nu dipiharep. Sabalikna umpama ngawasa matéri caritaan, biantara bakal
lumangsung lancar, hadé, jeung tangtu nyugemakéun.
Dina ieu hal nu kudu jadi diinget téh
nyaéta caritaan urang kudu bisa ngirut panitén audien nepi ka daék ngadéngékeun
naon nu dicaritakeun ku urang.
Saha nu diajak nyarita téh? Éta patalékan
kudu muncul disatiap panyatur nalika nyusun bahan atawa gagasan dina biantara.
Ari maksudna taya lian pikeun nyaluyukeun antara gagasan nu rék ditepikeun jeung
kasang tukang pangaweruh pamiarsa.
Topik biantara kudu jelas ditepikeun
sangkan henteu ngabingungkeun pamiarsa. Leuwih hadé topik nu ditepikeun téh
mangrupa hiji hal sifatna aktual nu aya di masarakat umum.
Panyatur saéstuna kudu merhatikeun kalawan
daria situasi jeung waktu saméméh nyarita. Éta hal téh pikeun nyingkahan
situasi anu sifatna sensitif atawa henteu saluyu jeung budaya di éta tempat.
Tugas Diskusi
1. Naon wae unsur-unsur nyusun teks biantara ?
2. Naon wae nu ka asup topik atawa gagasan dina biantara ?
